O futuro do Hidróxeno en ‘El Pluralizable Ambiental’
Nun proceso de electrificación total da economía o hidróxeno vai ter un papel limitado, como hai máis pasos eléctricos para chegar ao uso final é máis ineficiente que calquera electrificación directa. Por tanto, todo o que se poida electrificar directamente débese electrificar directamente”. Deste xeito se pronuncia un dos expertos e divulgadores do hidróxeno máis recoñecidos, Marcos Rupérez Cerqueda en entrevista no podcast 'El Pluralizable', producido por Galicia Ambiental. Marcos Rupérez é enxeñeiro industrial de I+D especializado en enerxías renovables, Máster en Pilas de Combustible e Tecnoloxías de Hidróxeno pola Universidade de Aalborg, Dinamarca.
El foi coñecedor do hidróxeno desde o principio da súa carreira, pero non puido traballar nelo desde un principio por falta de medios nas empresas xa que ningunha expúñase a creación de algo usándoo, nin tampouco vía ningún interese niso.
Como profesional do sector, notou que a mediados do 2020 empezou o interese por parte dos grandes empresarios do sector privado que “dominan o mundo”, son persoas que teñen unha “visión global” de como é a sociedade e a relación dos humanos co medioambiente e coa economía. Engade que xa hai un tempo que estes empresarios déronse conta que o nivel de volume de crecemento, en base aos fósiles que temos hoxe en día, non é posible e que había que cambiar de modelo, algo que é bastante difícil xa que non está claro que podamos vivir sen fósiles. Estes homes queren cambiar iso e que gran parte das enerxías partan do hidróxeno, cousa que Rupérez non ve totalmente posible, “polo menos non na súa totalidade senón nunha pequena porción”. Observa que estes homes de negocios miran as cousas máis sinxelas do que realmente son, e o mundo non funciona así.
O hidróxeno, polo que explicou Rupérez, necesita varios pasos eléctricos para chegar ao seu uso final, de tal forma que é máis ineficiente que calquera electrificación directa. Expón que “a vasta maioría dos usos que hoxe en día son combustible fósil e que poderían cambiarse por hidroxeno, non van ser hidroxeno só, senón que van ser uns nichos moi concretos”. Polo que determina que “a clave é que entre hidróxeno onde outras formas de dar enerxía non poidan chegar”.
Esta forma de velo polo empresarios, aclara que se debe a que “o hidróxeno se entendeuse mal porque se entendeu como un “imos coller e a xerar hidróxeno e logo xa veremos para que se usa”, o cal era lóxico pensalo cos fósiles que era sacalos do chan, pero o hidróxeno é ao revés, é unha ferramenta”. Comenta que o que hai que ver é “que cousas queremos facer como sociedade e imos ver como montar a loxística enerxética para facelo posible, non ao revés”.
Cre que isto se debe que a que os gobernos e os grandes empresarios das enerxéticas estanse a dar de conta que o cambio climático está aí e se están a acabar os combustibles fósiles. Pero téñense que dar conta de que “a tecnoloxía leva os seus pasos e aínda non fixemos os deberes”, e haberían que entender tamén que igual tecnoloxicamente falando non vai ser posible “manter o nivel de malgaste enerxético que facemos agora”. Polo momento, o que se pode facer é un uso do hidróxeno racional, coherente, de proximidade, eficiente nos usos primordiais e nos que achegue máis valor, “e logo xa veremos que pode ser isto dentro de 20 anos, se é que isto aínda se leva”.
Aproveitando a súa experiencia como consultor, preguntóuselle que é o que nos espera nos próximos 5 anos (lembremos que coincide co prazo que nos leva ata o ano 2030, no cal supostamente debemos alcanzar unha serie de obxectivos que xa se atopan en proceso).
A súa resposta foi moi clara: “a inflación, aínda que non nos deamos conta, esta motivada polo sector enerxético que non ten tanta cantidade de combustibles fósiles. E nos próximos 5 anos imos dar conta que o plan que fixemos hai que cambialo por outro porque a necesidade é perentoria dos combustibles fósiles ao apartalos da nosa sociedade”. E engade, “Creo que veñen uns anos bastante duros nos que oxalá non pero que vai haber convulsión no mundo internacional, mesmo guerras como se está vendo”. Para el, o interese desmedido polo hidróxeno só é un síntoma de que tamén co hidroxeno imos dar conta de que tampouco vai cumprir coa expectativa, de que non vai poder facer a función que lle asignamos senón outra, pero dun anaco moito menor do pastel.
Para escoitar a entrevista enteira aquí deixámosvos a ligazón: https://www.ivoox.com/hidrogeno-aclarando-conceptos-con-marcos-ruperez-cerqueda-audios-mp3_rf_117845433_1.html