Ecoloxistas en Acción denuncian o “Wake Up & Dream Festival”
Hai poucas semanas anunciouse o macrofestival de música electrónica en A Coruña, o “Wake Up & Dream Festival” cun cartel repleto de artistas internacionais que actuarán durante os días 14 e 15 de xullo no Parque de Bens. Festivais como este prometen música a un gran volume superando os decibelios permitidos. E ese é un gran problema para o lugar onde se vai a realizar xa que o Concello da Coruña declarouno espazo natural que require especial protección contra a contaminación acústica. Este festival está organizado polas empresas O Pelícano, Wake Up e DreamBeach e conta co patrocinio do Concello da Coruña e a Xunta de Galicia.
Como vén explicando Ecoloxistas en Acción, este macrofestival pode afectar gravemente a contorna no que se vai a realizar. O Parque de Bens é un espazo protexido contra o ruído e un festival como este vai atentar contra iso. Ademais de que vai impactar negativamente ao medioambiente polo lixo que vai xerarse e por como quede o parque tras as 50.000 persoas que se estima que van pasar ao longo deses dous días polo festival. É por iso mesmo polo que Ecoloxistas en Acción non ve normal que se realice nun sitio como leste.
Para poñer un pouco en contexto, o Parque de Bens é un coñecido parque na Coruña moi popular polas súas zonas verdes onde moita xente aproveita para pasar a tarde e relaxarse. Alí pódense atopar múltiples plantas e animais, moitas delas protexidas como o Lagarto Arnal ou o Peneireiro Común, os cales están recollidos no Mapa de Diversidade Biolóxica do Concello da Coruña feito polo Grupo Naturalista Hábitat. Hai anos esta zona era unha vertedoiro que logo se reformou e púidose ir aos poucos recuperando para chegar a ser o que é hoxe en día, un gran parque que toda a cidadanía pode gozar.
Pero, segundo informa o grupo ecoloxista, esta non será a única zona que se verá afectada xa que preto deste parque atópanse as Illas de San Pedro que están consideradas Espazo Natural de Interese Local polo Concello da Coruña. Esta é unha zona protexida na que o máximo de decibelios é de 60, pero este festival, pola súa gran envergadura pode chegar aos 120. Isto pode provocar un gran nivel de estrés á fauna e flora da zona que pode ser moi prexudicial. Do mesmo xeito que no parque, tamén hai varias especies ameazadas como o Curvo mariño cristado o cal é vital que se conserve para poder manter a biodiversidade da zona.
O festival tamén afectaría o Centro Municipal de Animais de Compañía. Este atópase preto do parque e acolle a máis de cen cans e gatos, polo que sería unha situación moi parecida ás anteriores xa que pode someter a estes animais a niveis moi altos de estrés.
Debido a todo ao que pode afectar este festival, Ecoloxistas en Acción pide que leve o festival a outra zona da cidade na que afecte o menos posible tanto á contorna como aos veciños. Eles declaran que «non estamos en contra deste tipo de eventos. Comprendemos que a xente ten dereito a desfrutar da música, pero para iso non pensamos que sexa necesario poñer en risco os espazos naturais de tan alto valor ambiental, que tanto ben lle fai conservar aos veciños e veciñas da Coruña».
Para máis información pode contactar con Eloy Pérez 623023137, voceiro de Ecoloxistas en Acción A Coruña.