Como celebrar San Xoán da forma máis sostible e respectuosa co medioambiente
Con motivo da celebración da noite de San Xoán, desde Galicia Ambiental queremos lembrar a importancia de celebrar este tipo de ocasións respectando ao medioambiente. En noites como esa é na que máis desperdicios xéranse e que quedan nas praias á espera de que cheguen os servizos de limpeza. Pero, mentres tanto, córrese o perigo de que moitos destes residuos cheguen aos mares contaminándoos máis do que xa están. Por iso mesmo, imos darvos unhas recomendacións para que esa noite sexa o máis sostible posible e póidase gozar da festa ao mesmo tempo.
En primeiro lugar, habería que exporse a posibilidade de non facer fogueiras innecesarias. Moitos concellos costeiros crean unha gran fogueira simbólica para que a xente non teña que crear as súas propias fogueiras, evitando que se cre unha maior contaminación. Pero, no caso de que se decida facela, hai que ter en conta unha serie de indicacións:
- as fogueiras é necesario que se fagan ao aire libre para que se disipe mellor o fume.
- os materiais que se usen na queima é mellor que sexan de papel ou madeira non tratada, nada de plásticos nin madeira lacada.
- a fogueira debe estar apartada para evitar que se forme un incendio.
- hai que apagar correctamente as cinzas para evitar incendios.
En segundo lugar, é conveniente usar produtos reutilizábeis como os tupers, vasos e cubertos, de tal forma que se descarten os envases dun só uso. Do mesmo xeito que hai que tentar crear os menos refugallos posibles e non desperdiciar comida nin bebida. Para estas festas adóitanse xuntar grupos grandes de amigos e familiares polo que se adoita comprar comida e bebida de máis, pero sería conveniente ter en conta o número de persoas para non desperdiciar alimentos. Ademais, para o transporte das cousas ás praias sería conveniente usar bolsas reutilizábeis e ter moito coidado con que non queden nas praias que xa estas poden chegar a tardar ata 50 anos en degradarse.
Por último pero non menos importante, hai que recoller todo o que se levou e depositar os refugallos nos contedores pertinentes. A praia ten que quedar limpa de residuos. É noso deber como cidadáns coidar as nosas cidades e praias, tratar que estean limpas e non deixar refugallos por onde pasamos. Que logo vaian equipos de limpeza ás praias non implica que eles teñan que facer unha tarefa que nós xa deberiamos facer.