ADEGA E PDCC FELICÍTANSE POLA VICTORIA XUDICIAL CONTRA UNHA CONCESIÓN IRREGULAR DUN PARQUE EÓLICO
A Asociación para a Defensa Ecolóxica de Galicia (ADEGA) xunto coa Plataforma para a defensa da Cordilleira Cantábrica (PDCC) felicitaronse hoxe por ter conseguido unha victoria xudicial contra unha concesión irregular dun parque eólico. Coincidindo coa celebración do Día Mundial do Medio Ambiente, informaron que este é o primeiro dos tres recursos contencioso-administrativos no TSXG nº171/2023, recaída no procedemento ordinario 7052/2022, contra as resolucións do Consello da Xunta. Nel, autorizáronse os proxectos eólicos de Campelo, Bustelo e Monte Toural, os cales estaban promovidos por Greenalia nos concellos de Coristanco, Santa Comba e Carballo, e que supoñerían grandes danos sobre o medio ambiente galego.
Coa resolución desta sentenza fallando a favor das asociacións demandantes, conseguiuse que recaia unha resolución xudicial anulatoria das autorizacións dun proxecto eólico sen que se chegue a executar o proxecto ou sen que se cheguen a producir agresións ao medio ambiente como xa ocorrera anteriormente. Esta sentenza marca un punto de referencia para futuras resolucións fronte á invasión eólica, do medio ambiente e a súa preservación nos tribunais.
O motivo da denuncia provén da creación por parte da Xunta dun proxecto eólico que, xunto co de Bustelo e Monte Toural, formaría parte dun gran polígono eólico. Para a construción de leste, arrasouse cunha especie endémica única en Galicia, a Centaurea ultreiae ou Silva Pando, a cal só se atopa nos arredores da Lagoa de Alcaián e que está en perigo crítico de extinción segundo o Atlas y Libro Rojo de la Flora Vascular Amenazada de España e así mesmo catalogada como “en perigo de extinción” no Catálogo galego de especies ameazadas segundo o Decreto 88/2007 do 19 de abril. Ademais, é imprescindible mencionar que a Lagoa de Alcaián foi proposta en primeiro lugar polo bipartito en 2008 e en segundo lugar polo Partido Popular en 2011 para formar parte da Rede Natura 2000 polas especies raras que aí habitaban e polos seus valores ecolóxicos.
Segundo dita a sentenza, o fallo estima na súa totalidade os motivos de impugnación esgrimidos polas asociacións demandantes, polo que anula o acordo do Consello de la Xunta impugnando e impoñendo a correspondente condena en costas ás codemandadas, Xunta de Galicia, Greenalia Wind Power Campelo e a Asociación Eólica de Galicia. Igualmente, considérase que o acordo se considera contrario ao dereito por concorrer un suposto de fragmentación artificial e ilegal de proxectos en relación cos proxectos eólicos de Monte Toural e Bustelo, os cales tamén foron impugnados e están pendentes de sentenza. É por iso polo que non se puido chegar a facer a avaliación ambiental necesaria en conxunto dos tres parques eólicos. E que, ademais, o proxecto P.E. Campelo acolle a subestación transformadora que lles daría o servizo requirido aos parques Bustelo, Campelo, Monte Toural e Ou Cerqueiral, os cales están procurados por Greenalia.
Do mesmo xeito, o TSXG tivo en conta os requirimentos de ADEGA e PDCC ante a vulneración dos dereitos da cidadanía na participación do procedemento de avaliación ambiental pola redución do prazo de información por vía pública a quince días e por non ter ao dispor da cidadanía os informes sectoriais no contexto do citado trámite xa que ambos vulneran un dereito imposto pola Unión Europea. Isto supón un gran precedente nos seguintes recursos contencioso-administrativos que se presenten contra as novas autorizacións eólicas que foron establecidas pola Xunta e que se refuten no TSXG.
Nestes momentos, o parque eólico de Campelo é o terceiro dos autorizados pola Xunta que se puido anular nos tribunais tras dúas sentenzas firmes no Tribunal Supremo que botara atrás o parque eólico Sasdónigas I e II de Mondoñedo, e o proxecto eólico Serra do Oribio. Xunto con estes, ADEGA traballa na impugnación de máis de 30 proxectos eólicos coa campaña solidaria “Ti podes paralos!” que xa conseguira en outubro de 2022 facer efectiva a paralización cautelar do parque eólico Campelo do que se conseguiu a súa anulación, así como dos proxectos relacionados con este como son o de Monte Toural e Bustelo. Con esta campaña, queren tentar conseguir financiar os custos dos recursos contencioso-administrativos necesarios para o peche dos proxectos eólicos aínda en marcha.