A Xunta encarga demoler un azud no río Landro á empresa Tragsa
A Xunta de Galicia anunciou no Diario Oficial de Galicia a contratación da Empresa de Transformación Agraria (Tragsa) para que se encargue da demolición dun azud no río Landro, en Ourol. Para este traballo a empresa contará cun orzamento de preto de 65.000€.
Ditos traballos consistirán en retirar un azud que estaba vinculado a un muíño de fariña que non está xa en funcionamento. É por iso mesmo que o obxectivo é eliminar o “obstáculo” que está a ser o azud para a fauna da zona. Este está a ser un impedimento para os peixes que remontan río arriba, polo que coa súa eliminación contribuiríase a recuperar o hábitat fluvial, así como tamén á restauración hidromorfológica neste tramo, ademais de eliminar riscos de inundación.
No Diario de Galicia explícase que se vai a demoler “todo o corpo do represa (duns 15,5 metros de lonxitude) de maneira manual desde a marxe dereita e a extracción dos residuos xerados na demolición para a súa retirada por parte dun xestor autorizado”. Unha vez acabados os traballos de demolición, repoñeríase a vexetación afectada polo acceso dos vehículos de obra ao lugar de traballo.
Organizacións ambientalistas como RÍOS CON VIDA alegaron a favor de quitar os azudes ou presas obsoletos de varios ríos, o último o de Landro, para que se recupere o tránsito de especies, especialmente salmónidos, e, con iso, a recuperación da súa biodiversidade.