A Xunta de Galicia convoca dous tipos de axudas para a implantación puntos limpos e recollida e reciclaxe dos biorresiduos
A Xunta de Galicia anuncia a través do Diario Oficial de Galicia a convocatoria de dúas novas axudas para que as entidades locais poidan implantar puntos limpos fixos nos municipios e para a creación de novos proxectos de recollida selectiva e xestión de biorresiduos. Para iso destinaron un orzamento de case 11 millóns de euros que será repartido entre as dúas ordes. Hai que destacar que a Xunta require que todos os concellos teñen que ter implantada a recollida separada dos biorresiduos antes do 31 de decembro de 2023 xa que así o require a normativa europea de xestión de residuos municipais.
Para a primeira axuda, a Consellería de Medio Ambiente, Territorio e Vivenda anuncia que terá dúas liñas de actuación subvencionables: os proxectos para a implantación, ampliación ou a mellora da recollida separada do lixo orgánico e as iniciativas para a separación e reciclaxe en orixe de biorresiduos mediante a súa compostaxe doméstica ou comunitaria.
En total, contan cun orzamento de 10,18 millóns de euros que se usará para o financiamento de caldeiros, bolsas compostables, sacas reutilizables, contedores para a vía pública, sistemas de recolleita porta a porta, camións de recollida eléctricos ou de biogás de orixe renovables, así como tamén para a creación de campañas de información e sensibilización para a cidadanía. Ademais, para a segunda liña de actuacións, subvencionaranse tamén a compra de biotrituradoras, composteiros comunitarios, caldeiros domésticos e os materiais necesarios para compostar como os aireadores, termómetros e tamizadores, entre outras cousas.
Con estas subvenciones a Xunta espera cubrir ata o 90% do gasto dos proxectos, sendo a contía máxima por habitante de 5€ no caso da primeira liña e de 4,5€ para a segunda. Así mesmo, como novidade, a concesión irase resolvendo a medida que se vaian rexistrando e comprobando as solicitudes a condición de que estas reúnan os requisitos solicitados e o expediente estea completo para que así se poida acelerar a tramitación.
No que se refire á outra axuda destinada a apoiar ás entidades locais na construción de novo puntos limpos fixos, contarase cun orzamento de 800.000€ para o período de 2023, 2024 e 2025. A contía máxima das axudas para a construción das instalacións designado para a recollida e deposito de residuos especiais será do 90% dos custos subvencionables, tendo estes un tope máximo de 400.000€ por axuda.
Entre as actuacións e conceptos subvencionables entran a adquisición de contedores e gaiolas para almacenar as distintas fraccións, os labores de acondicionamento do terreo, as cubertas para zonas de almacenamento de materiais que pola exposición ao sol e á auga véxanse prexudicados para a súa reciclaxe ou valoración posteriores, as básculas de pesada de entrada e saída de residuos, e as ferramentas informáticas, e demais.
Segundo informou a Xunta, os proxectos recibidos serán valorados á hora de puntuar, por primeira vez, polo feito de que o municipio solicitante estea en posesión da distintivo bandeira verde, o cal é outorgado anualmente polo Instituto de Estudos do Territorio, e aquelas entidades locais que destaquen polas súas boas prácticas ambientais. Ambas as axudas están financiadas polo programa de fondos NextGenerationUE e as solicitudes poderanse empezar a presentar desde o 15 de xuño. Os prazos para acollerse neste programa de axudas serán ata o 30 de decembro para as actuacións en materia de biorresiduos e dun mes para os puntos limpos fixos municipais.