A USC acollerá os primeiros cursos para calcular os beneficios ao ecosistema dos bosques nacionais organizados por FSC
A ONG Internacional que vela pola sostenibilidade forestal, FSC – Forest Stewardship Council, desenvolveu unha metodoloxía pioneira para calcular os beneficios ao ecosistema. Esta metodoloxía, promoveráse por España a través dunha serie de talleres técnicos, tendo lugar o primeiro deles na Escola Técnica Superior de Enxeñaría (ETSE) da Universidade de Santiago de Compostela, os vindeiros días 12 e 13 de setembro.
Contarán coa presenza de diferentes expertos como Silvia Martínez, directora técnica de FSC España, Petra Westerlaan especialista nos Servizos do Ecosistema de FSC Internacional, Francisco Omil subdirector da ETSE e Alberto Rojo, profresor de Enxeñaría Agroforestal na Escola Politécnica Superior de Enxeñaría da USC en Lugo.
O procedemento desenvolto por FSC, permite verificar os beneficios que unha correcta xestión forestal ten sobre os servizos do ecosistema. Esta ferramenta á súa vez pode ser empregada por empresas ou os propios gobernos para mostrar o impacto positivo que poden ter as súas compras, pagos e inversión no mantemento e mellora dos servizos do ecosistema: conservación da biodiversidade, almacenamento de carbono, servizos nas cuncas hidrográficas, conservación do solo e servizos recreativos.
As propias masas forestais certificadas co FSC convertéronse nos laboratorios naturais para que a organización, que ten como obxecto promover a xestión forestal ambientalmente apropiada, socialmente beneficiosa e económicamente viable; desenvolvese esta metodoloxía. Piñeiros, carballos e sobreiras dos Parques Naturais das Fragas do Eume, da Serranía de Cuenca e da Serra de Aracena e Pico de Aroche en Huelva, beneficiáronse dos traballos que se puxeron en práctica para conseguir o procedemento que mellore a adaptación dos bosques ao cambio climático.
Os cursos organizados FSC, van dirixidos a técnicos e licenciados relacionados co medio ambiente, como a empresas, asociacións, propietarios e xestores forestais ou mesmo centros de investigación. A inscrición é de balde pero é preciso encher o formulario deste enlace: http://bit.ly/2SROI21.
Programa dos talleres: https://es.fsc.org/preview.pro...