O Goberno modifica o decreto de fertilización: máis requisitos e sen melloras para agricultores e gandeiros
Esta mañá publicouse no BOE a modificación do real decreto sobre o solo agrario, aprobado este martes no Consello de Ministros. Este agrega novas normas e simplifica algunhas medidas do real decreto de nutrición sostible dos solos agrarios (fertilización), co fin de promover a súa "nutrición sostible". O Ministerio de Agricultura, Pesca e Alimentación (MAPA) realizou esta proposta para lograr, segundo indican, unha "fertilización racional dos cultivos" co fin de alcanzar a sustentabilidade produtiva e ambiental da agricultura.
Esta nova norma creouse a modo de corrección ou “parche” para a normativa xa existente (RD 1051/2022, do 27 de decembro) por non responder as necesidades esenciais nin dos agricultores nin da sustentabilidade, segundo afirman varios axentes consultados por Galicia Ambiental. Entre eles, Juan Castro Insua, enxeñeiro e investigador, que afirma que «ese decreto é un claro exemplo polo que protestan os gandeiros, esta infernal “diarrea regulatoria”, impresentable para calquera actividade económica que queira ter un mínimo de estabilidade e seguridade xurídica».
E engade: doutra banda, modifícase para dar entrada a residuos no solo agrario, cando non está regulada a rastrexabilidade da xestión deses residuos polos xestores, coma se fíxose en Cataluña onde os camións das empresas de xestión están obrigadas a ter GPS e programas informáticos para o control dixitalizado e automático desa xestión, é dicir, de onde saen, cando, canto e onde se aplican como abono”. Sinala que estes cambios só van causar “máis traballo (por papeleo inútil) para as xestorías”.
Desde o Departamento informaron que a norma contén compromisos que forman parte das 43 medidas de apoio ao sector agrario implementadas polo Executivo en resposta ás demandas de agricultores e gandeiros.
A reforma do RD de nutrición sostible dos chans agrarios ten como obxectivo "facilitar a implementación" de certos aspectos técnicos, "fomentar a harmonía" con outras normativas ou disposicións autonómicas sectoriais e "aclarar certas disposicións". Nesta nova normativa, modificaron as seccións relacionadas co caderno de explotación, o plan de abonado e a utilización de estercos e abonos orgánicos.
Presentaron o que mostraron como "incentivos" para o uso do caderno dixital, xa que non será necesario e especificaron a información do plan de abonado que debe incluírse no caderno de explotación. Con todo, incorporaron as regulacións relacionadas coa diminución das emisións de amoníaco e ampliaron as responsabilidades relacionadas co uso de estercos, abonos e outros materiais orgánicos, ademais de agregar novos residuos á lista dos non aceptados.
Outro dos cambios é o tempo permitido para o apilamento de esterco que aumenta de 5 a 10 días de prazo, que pode aumentar a 20 días se o material está compostado ou dixerido, así como o tempo requirido para enterrar esterco e outros materiais orgánicos increméntase a 24 horas.
Desta forma, o Goberno aprobou estas medidas, acordadas previamente coas organizacións UPA e Unión de Unións de Agricultores e Gandeiros, para "apoiar" ao sector agrario para mellorar a situación de agricultores e gandeiros, incluíndo estas dúas últimas cuestións